Second Life

Var innom Norgesbiblioteket etter invitasjon frå Hillametta Huntress. Ingen problem med å kome dit, men eg , Karen Barinaux, fann ikkje vegen til vikingane. Eg var innom ein eventyrskog.
Denne oppgåva har eg gjort før, men hadde lyst å sjå korleis det gjekk i kveld også, men kom altså ikkje dit eg skulle.

Ting 23: Oppsummering

Endelig siste oppgåve!! Brukte dette bildet i eit av dei første innlegga på bloggen min og meiner det framleis er ein god illustrasjon på korleis eg har hatt det under kurset.
Som eg har skrive før, eg er veldig glad for at eg melde meg på .For meg har det vore eit innblikk i ei verd som har vore heilt ukjend for meg. Eg har prøvd og feila og sett svart på alt, men så har alt vorte så kjekt når eg har fått det til og forstått det.Alt har sjølvsagt ikkje vore vanskeleg, det har vore varierande. Trur også det har litt samanheng med kva eg synes var interessant og ikkje. Har brukt myyykje tid, men det er vel fordi alt har vore nytt, verktøy, begrep,ja det meste. Eg burde sjølvsagt ha kunna mykje av dette frå før, men PC er noko eg har brukt til katalogisering, utlån, søking etter informasjon(referansearbeid), "kontorarbeid" m.m.
At eg skulle ha noko med Facebook å gjere forskrekkar fleire enn meg, men no har eg alså meldt meg inn .
Eg har lært MYKJE, ikkje berre alle tinga vi har vore gjennom, men mykje "datatekniske" ting som eg ikkje har kunna før, t.d. legge inn lenker, kopiering og liming m.m.
Favoritt 23 ting ? Fleire. LibraryThing - det kjem eg til å bruke. YouTube og Flickr også.
"Har programmet hatt noen innvirkning på deg og dine læringsmål? Har du fått lyst å lære mer?"JA, det har eg, men no må eg ha meg ei pause. Eg må sjå meir på det vi har lært, i allefall dei tinga eg likte best.

Noko spesielt nyttig som vi har lært?
Synes det har vore veldig nyttig å lære å skrive og å redigere ein blogg.
Wiki- har tenkt på om det kunne vere lurt å bruke, men vi er så få tilsette at kanskje det er unødvendig, men det hadde vore greitt å ha for interne rutiner no når vi har ein nytilsett, sikkert vore enklare for henne.

Synes mykje har vore nyttig, ZohoWriter t.d. Vil også sjå nærare på Google docs. Podcast, fint å kunne abonnere på favorittprogram.

Elles ser eg at enkelte oppgåver hadde eg nok løyst annaleis når eg ser tilbake. Ville ikkje opppretta "Eikrems Velforeining " på Origo (heller noko "bokleg"), ville også hatt "Ting 14: "Personlige forsider " annaleis, men dette er ikkje forseint å gjere noko med. Det må vel bety at eg har lært noko at eg ved tilbakeblikk ser at ting kunne vore gjort annaleis.

"Forslag til forbedringer av kursopplegget". Det må vere å ha lenker som verkar, så slepp ein i allefall det irritasjonsmomentet. Meir norsk hadde også gjort det lettare, men det har i alle fall ført til at eg har kassert mi engelsk-norsk ordbok frå gymnaset (Damms blå 1970). Den er for gammal.
Kanskje har det vore for mange "Ting". Synes eg har logga meg inn og oppretta kontoar overalt.
No når eg er ferdig synes eg det er greitt at det var så mange ting, men undervegs ønska eg meg av og til at at det ikkje var så mange ting eg skulle gjennom.

Eg vil klart ha svart JA til eit nytt kurs, men som eg skreiv tidlegare, no må eg ha meg ei pause.
Ei snart 57-år gamal dame med bibliotekskule frå 1976 treng oppdatering om ho skal vere med i bibliotekverda vidare. Grunnen til at eg melde meg på kurset , var at eg følte at skal eg halde fram i jobben min, må eg halde meg litt oppdatert. Må ha i alle fall ha høyrt om ting, vite kva folk snakkar om i det minste.

Det har vore veldig kjekt, men det hadde vore flott å kunne få bruke litt av arbeidtida til det, men det synes eg ikkje eg har hatt tid til, i allefall ikkje på denne tid av året.

Takk for meg og takk for kurset og god hjelp undervegs, Hilde! Du er oppmuntrande!!

Bibliotek 2.0

Eg trur at 2.0 tenester kan endre samspelet mellom biblioteket og brukarane. Biblioteka må følge med og tenkje nytt om vi skal henge med i mediebildet.
Men eg trur også at det vil vere stor forskjell på bibliotek her. Det er mykje ein kan gjere i eit stort bibliotek med mange tilsette der kanskje fleire har lært dette. Verre er det i små bibliotek der det er få tilsette og kanskje berre ein har lært litt om dette. Men biblioteka har vore med på endringar før. Vi skriv ikkje lenger katalogkort og låner ikkje ut manuelt , så eg trur nok at Web 2.0 også vil gjere sitt inntog i biblioteka etterkvart, men så radikale endringar som at lokale katalogar forvinn og all søking foregår gjennom Google håper eg ikkje skjer. Har sett på Taigatesene. Eg trur at det alltid vil trengast referansebibliotekarar, men innhaldet i jobben vil nok endrast. Nokon vil alltid trenge hjelp til å finne informasjon, verte vist kvar ein kan finne informasjonen.
"Hva kan bibliotek 2.0-tjenester hjelpe oss med å oppnå som vi ikke oppnår i dag?"
Dei nye 2.o tenestene gir oss muligheit til å:
1) Nå brukarane på ein annan måte. Barn og ungdom bruker internett på ein heilt annan måte enn mange godt vaksne. Nå dei over Facebook? Har tenkt tanken på å registrere Ørsta folkebibliotek på Facebook, men trur eg må tenkje litt meir på det. Alt nytt ein begynner med tar tid. Det ser eg berre på heimesida som vi fekk i haust. Den bør oppdaterast ofte, men det tar tid.
2) Marknadsføre biblioteket på ein annan måte enn før.
Det er uendeleg muligheiter, men trur det vi har lært må "modnast " litt. Har lyst til å sette i gong både med det eine og det andre, men trur det er klokt å begynne i det små.

"Hvilke oppgaver er vi villige til å nedprioritere for å nå mål som handler om nye 2.0 tjenester?"
Det er også vanskeleg å svare på. Dei daglege gjeremåla må gjerast, bøkene må registrerast, bestillast, kasserast, det må ryddast, settast på plass osv.
Mangel på tid vert det største hinderet både til å bruke dei ting ein har lært og å følge med vidare. Men vi må på eine eller annan måte klare å ta i bruk noko av det vi har lært etterkvart eller flette det inn i ting vi allereie gjer. Tipse lånarane om nettstader dei kan finne informasjon, er ikkje det ein start?

"Hva slags 2.0 kompetanse kan brukeren forvente at bibliotekansatte har, og hvordan gjennomføre en slik kompetanseheving?"
Brukarane har krav på at vi som jobbar i bibliotek har litt datakunnskap, mellom anna om 2.o tenester. Det er pinlig å ikkje kunne hjelpe når vi har publikumsPC`ar
Vi må kontinuerlig prøve å følge med, kanskje kan vi få småkurs med jamne mellomrom ?
Det er ofte når ein verkeleg MÅ at ein klarer å følgje med. Skal ein gjer det på eigenhand, er det lett å skyve det til side til fordel for andre gjeremål.
At web.2.0 tenestene vil gjere sitt inntog i biblioteka er klart, men med ulike bibliotek vil tilbodet og bruken av slike tenester verte ulikt frå bibliotek til bibliotek.
Trur ikkje eg har meir tankar om dette no, så eg seier meg ferdig med Ting 22.